Sostien a la Calandreta de Lescar

Anaram Au Patac Bearn qu’a responut a l’aperet de la Calandreta de Lescar en enviar un chèc de 50 euròs.

Qu’aperam los lectors deu blòg informatiu a solidariza’s eths tanben dab la Calandreta de Lescar. Aqueras escòlas que basteishen l’avièner, que sia dab la lenga, la pedagogia o dab lo ròtle de servici public occitan.
Aciu l’aperet de l’escòla :
L’escòla Calandreta qu’ei ua escòla occitana, laïca e gratuita. Qu’ei gerida per ua associacion constituida peus pairs deus escolans. L’associacion Calandreta que participa a mantuas manifestacions entà finançar los besonhs escolars e assegurar lo foncionament de l’establiment. Uei, que’vs sollicitam entà que ns’ajudetz a har viver aquera escòla e a espandir la lenga nosta, aqueth patrimòni fragile qui coneish uei lo dia ua arrenavida. Quin podetz participar au sostien e a l’espandiment de la Calandreta de Lescar ? Que podetz har un don […] Escòla Calandreta Rue du Lieutenant de Vaisseau Garnuchot 64 230 Lescar (chèc a l’òrdi de Calandreta Lescar) Los vòstes versaments que dan dret a avantge fiscau (deduccion deus impòsts). Los mainats e los pairs d’escolans de la Calandreta de Lescar que vs’arremercian per avança deu sostien vòste.