Anaram Au Patac que s'associa au movement d'indignacion e de protèsta contra la bombardada deu Pòble Palestinian. Anaram Au Patac com movement revolucionari de l'Esquèrra occitana, pr'amor de la soa orientacion vertadèrament anticolonialista e anti-imperialista, que's deu de condemnar las diferentas politicas sionistas e la collaboracion hastiau de l'Euròpa e deus Estats-Units, lo sancèr silenci deus país arabes cap a l'eliminacion shens restrenhuda deu Pòble Palestinian.Israèl que tua las hemnas, los mainatges, los vielhs, la poblacion gazaoita sancèra, shens patir de nada sancion internacionau. Pas mei que peu blòcus impausat au Pòble de Gaza e per la separacion dab la Cisjordania.
La listra de Gaza qu'ei vaduda en camp de concentracion a l'alande per Israèl, dab la complicitat de totas las grans poténcias, França compresa, Gaza qu'ei vadut uei un camp d'exterminacion.
Los estats e la màger part deus media, eths medishs, a las mans deus sionistas, que volerén har créder que lo conflicte seré d'òrdi religiós e que lo sistèma capitalista tot parièr com la banca e lo comèrci internacionau n'aurén pas nat rapòrt dab aquestas tristas hèitas. La diabolizacion de las organizacions de la Resisténcia Palestiana peus quites estats que'ns muisha la maishanta fe dab la quau l'istòria e l'actualitat nos sian contadas. Lo tust de las civilizacions n'ei pas sonque qu'ua vision parciau inventada per l'imperialisme de tots bòrds. Totun, qu'existeishen en Palestina organizacions resistentas, laïcas e progressistas atau com lo FPLP (Front Popular de Liberacion de la Palestina) deu Jòrdi Habash, qui lo secretari generau e deputat, Ahmad Sa'adat estó condemnat a 30 ans de reson lo 25 de deceme passat per un tribunau militari israelian (sedut sus ua basa militara a Ramallah) pr'amor deu son ròtle de gavidaire en aquesta organizacion.
Tot parièr com preténder sosténer lo Pòble Palestinian e carà's tà la situacion hèita au Jòrdi Ibrahim Abdallah, companh comunista Libanés embarrat despuish un quart de sègle per la França pr'amor deu son engatjament aus costats deu Pòble Palestinian, que sembla incoerent. Mentre que sia liberader despuish pausa, qu'ei mantienut en detencion, segon la polícia francesa, era medisha, non pas pr'amor de la soa responsabilitat en accions militaras mes pr'amor de çò qu'arrepresenta.
Anaram Au Patac que vòu tornar díser a las organizacions francesas qui condemnan lo colonialisme d'Israèl, que's deverén interrogar a perpaus deu passat jacobin de la França que dehenen e au subjècte de la justificacion de l'annexion deus diferents pòbles qui la compausan. Mentre que lo colonialisme francés n'aja pas lo medish imatge de violéncia com la politica sionista, que i demora totun que tots los pòbles an lo medish dret a l'autodeterminacion, que sian Còrses, Bascos, Bretons, Canacs, Catalans, Occitans o Palestinians. Tots los pòbles, com los Palestinians, qu'an dret de víver, tribalhar e decidir au País.
Anaram Au Patac
Deux militants indépendantistes galiciens seront jugés par "l'Audiéncia Nacional Española"(Tribunal National d'Espagne) le 4 février prochain sous l'accusation de "mépris et insulte à l'image de SM Le Roi"
http://www.nosgaliza.org/principal.php?pag=lernot&id=1629
http://www.nosgaliza.org/principal.php?pag=lernot&id=1629
.jpg)
.gif)
